मिलन मलरिहा छत्तीसगढ़ीहा

छत्तीसगढ़ म फैले हे बिमारी

सिकछा ह तमासा बनगे भारी

कोनो लईका ल फैल नई करना

का बात के हे अतेक लचारी ?

गुरूजी के मुड़ी म मुतत हे लईका

ग्रेडिंग a b c d नवा तरीका

इसकुल जाना हे भात खाना हे

साकछर छत्तीसगढ़ देखाना हे

अ अनार नहि अनपढ़ बनना हे

ब बाबु के संग बकरी चराना हे

कुल मिलाके इसतर ल गिराना हे

गरिब के लईका कहाँ पढ़ही

सरकरी इसकुल के खपरा पुराना हे

का बताव भैया काला सुनावव ग

गरिबी म कइसे टूवीसन पड़ावव ग

सरकारी इसकुल के का हाल बताना हे

सब्बो ल सिक्छीत रिकाड म देखाके

साकछर छत्तीसगढ़ देखाना हें .............
सबला पास फेल कोनो ल नइ करना हे

-

-

-

मिलन कांत
छत्तीसगढी रचनाकार