तोला देखे रहेंव, गढ़कलेवा के दुवार मॅं
नाचे रहें तैंहा, करमा के ताल मॅं
ए गोई फुॅंदरा वाली, मया होगे रे, मया होगे न....
।
पतरेंगी , कनिहा डोले रे भारी
करधनिया झूमर झूम झूले छनकारी
तोर कजरी नैना भेदे दिलके पार ला -2
ए गोई फुॅंदरा वाली, मया होगे रे, मया होगे न....
रुप के दीवाना होंगे मैंहा तोर रानी
तोर कदम ताल थिरके मांदर थपकानी
लहरबुंदिया छमछम झुमरे झनकार मॅंं -2
ए गोरी फुॅंदरा वाली, मया होगे रे, मया होगे न
अरे कहाॅं गये गोरी शहरी भीड़ भाड़ मॅंं
गिंजरत घूमत खोजेंव रायपुर बजार मॅं
अगोरा मा बइठे रहेंव, मरीन ड्राइव पार मॅंं 2
ए गोरी फुॅंदरा वाली, मया होगे रे, मया होगे न
तोला देखे रहेंव, गढ़कलेवा के दुवार मॅं
नाचे रहें तैंहा, करमा के ताल मॅं
ए गोई फुॅंदरा वाली, मया होगे रे, मया होगे न....
✍️ मिलन मलरिहा
कोई टिप्पणी नहीं:
एक टिप्पणी भेजें