-
चल धरले नांगर संगे बइला जोर ले
बलावत हे तोला बहरा खेत के माटी
अरई तुतारी ल घलो जोर सकेल ले
मेड़ तरी कोचईपान म बइठे बेंगवा
रइह रइह तोला जपत गोहरावत हे ..
रिमझिम रिमझिम पानी धुन म
आनीबानी सवनहा कीरा मटमटात हे
संगे पिटपिटी सपवा अड़बड़ निकले
डबरा के चिखला तरी जोखवा बइठे
बइला भाईसा आयेके ओला अगोर हे..
घोंघी गेंगरुवा अउ केकरा के सोर हे
घूमर घूमर बादर गरजे पानी ह बरसे
छाता ल बने बीजहा संग धरजंगोर ले
चल धरले नांगर संगे बइला जोर ले.........
-
-
-
मिलन मलरिहा
छत्तीसगढ़िहा
कोई टिप्पणी नहीं:
एक टिप्पणी भेजें