चार दिन के हासी ठीठोली ल
मया झीन कहिबे
-
छइहा म तो सबों मीठ गीत ल
सुघ्घर राग म गाथे
-
जिनगी म घाम—आच आए ले
बड़े—बड़े पलातान हो जाथे
-
मया के खालहे दूख के चिखला
जेन ह एला सहिथे
-
अटल मयारु सबो बताथे
खड़बड़—खईया रद्दा ले दूरिहाथे
-
हरियर तन के लालची मन
देवदास बने फिरथे
-
चसमा टोपी जिन्स पहिरे
लुभावन मया जताथे
-
बिपत परे म ओही देवदास संगी
कलेचुप खसक जाथे
-
पढ़हार्इ् लिखाई के दिन म तै
साहरुक सलमान के गोठ टमरे
-
इसटाइल मरवईया मयारु
जिनगी के दूख कईसे सहिबे
-
चार दिन के हासी ठीठोली ल
मया झीन कहिबे ।।
।
।
मिलन मलरिहा
मल्हार बिलासपुर
कोई टिप्पणी नहीं:
एक टिप्पणी भेजें