मिलन मलरिहा छत्तीसगढ़ीहा : मार्च 2016

-------------// '''कलेवा'''//---------------
***************छत्तीसगढ़ी****************
******************दोहा*******************
.

*कलेवा कहा ले पान*
*कइसे गाय बचान* //दोहा//धन्द
___________________________
----------// '''कलेवा'''//गाय//--------
1//सतजुग मा रहीस धरम, बहुते पहुना आय।
मानय पहुना देवता, घर—घर भोज खवाय।।
2//सादा भोजन मा बसे, कलेवा रस समाय।
हिरदय गदगद हो जयव, भरभर थारी पाय।।
3//कलजुग मनखे नव करम, पहुँना बन ललचाय।
दारु मुरगा लानबे, तभेच गुन ला गाय।।.
4//बीही आमा कलिनदर, असल मेवा कहाय।
मेवा मानत आजके, पाउच गुटखा ताय।।
5//थूंकत खावत रातदिन, सबोझन हे मताय।.
इही कलेवा मानजी, कलजुग इही बनाय।।
6//मेवा छनथे घीव मा, घीव कहाले लान ।
दुध पीरोथे धीव ला, दुध कहाले पान ।।
7//दुध देवइया गाय हे, लेवत ओकर जान।
अमृत मेवा छोड़के, वीस खाय इन्सान।।
8//माता जेला कहत हन, पाछु परे सैतान ।
मनखे इहिला खात हे, कइसे गाय बचान ।।.
-------------------------------------
मिलन मलरिहा
मल्हार बिलासपुर

***बीचार***
""""""""""""""
कतको बढ़ीहा काम करन
सबोबर सुघ्घर नई बन सकन
कहूँ ह गारी देथे कहूँ ह जलथे
कहूँ ह चाली त कहूँ चमकाथे
आनीबानी-गोठ कहिके लड़वाथे
कछू काम कर दस खड़ा हो जाथे
अपन काम छोड़ तोर ल बिगाड़थे
जाने ओला का सकुन मिल जाथे
कभु मिलेजुले नई हे तेन मनखे
काबर हमला बईमान बताथे
किसम किसम के मनखे ए जग म
सबके हिरदय नई जीत सकन
हम कतको बड़ीहा रहीन
सबोबर सुघ्घर नई बन सकन
......................नई बन सकन
......................नई बन सकन
.
.
मिलन मलरिहा
मल्हार बिलासपुर